Sikurse njoftuan korrespondentët e Agjencisë Kineze të Lajmeve Hsinhua, gjatë takimit me kryeprokuroren e Gjyqit Ndërkombëtar të Hagës mbi problemin e ish-Jugosllavisë, Karla del Ponte, kryeministri i Serbisë Vojislav Koshtunica tha se qeveria e tij është e vendosur të bashkëpunojë me Gjyqin Ndërkombëtar të Hagës dhe ky bashkëpunim është një nga çështjet e mëdha së cilës ajo do t'i japë përparësi.

Gjatë takimit, Koshtunica tha se zbatimi i detyrimeve ndërkombëtare të Serbisë është në përputhje të plotë me interesat e vendit. Ai tha se pas formimit të komisionit kombëtar të sigurimit, të gjitha organet e shtetit do t'i kushtojnë më shumë forca arrestimit të të dyshuarve si kriminelë lufte.

Ndërsa, Karla del Ponte tha se Gjyqi Ndërkombëtar i Hagës ka nevojë për bashkëpunimin e plotë të palës serbe, për të ekstraduar të gjithë dyshuarit në këtë gjyq penal.(Çan Yean)