Sipas njoftimeve të Radios së Jashtme të Kinës, më 22 maj në Pekin zv-kryetari i shtetit i Kinës Zeng Qinghong u takua me ministren e Punëve të Jashtme dhe të Integrimit Evropian të Kroacisë Kolinda Grabar?Kitaroviç.

Zeng Qinghong u shpreh se 15 vjet pas vendosjes së marrëdhënieve diplomatike kino-kroate, të dyja vendet kanë arritur suksese të mëdha në bashkëpunimin konkret në fusha të ndryshme. Me këtë rast, pala kineze dëshiron të forcojë më tej besimin reciprok me Kroacinë, të nxitë bashkëpunimin konkret në fusha të ndryshme, të shtojë vazhdimisht përmbajtjet e marrëdhënieve të partneritetit të bashkëpunimit të gjithanshëm dhe të nxitë zhvillimin e marrëdhënieve ndërmjet të dy vendeve në fusha më të gjera dhe në nivel më të lartë.

Kolinda Grabar?Kitaroviçi u shpreh se pala kroate vlerëson lart marrëdhëniet me Kinën dhe dëshiron të forcojë bashkëpunimin miqësor dypalësh në fusha të ndryshme. Ajo ritheksoi se pala kroate i përmbahet politikës së një Kine. (U Sen)