Gjatë takimit me delegacionin e përbërë nga përfaqësuesit e 15 vendeve anëtare të Këshillit të Sigurimit të OKB-së, Koshtunica tha se Serbia ka marrë pjesë aktivisht në bisedimet lidhur me statusin e ardhshëm të Kosovës dhe ka paraqitur projektin përkatës, duke pranuar vetëqeverisjen reale të Kosovës. Ai theksoi se Serbia kundërshton projektin e të dërguarit të posaçëm të OKB-së Marti Ahtisari, sepse atje i jepet Kosovës mundësia e pavarësisë.

Siç mësohet, kryetari i delegacionit, përfaqësuesi i përhershëm i Belgjikës në OKB Johan Verbeke, u shpreh në një konferencë shtypi të organizuar pas takimit se vizita e kësaj here e delegacionit ka për qëllim grumbullimin e informacioneve. Statusi i ardhshëm i Kosovës ende nuk do të përcaktohet.(Çan Yean)