Sipas njoftimeve të Radios së Jashtme të Kinës, më 24 prill, një kompani nafte me investime kineze në Etiopi pësoi një sulm nga organizata e Frontit të Lirisë Kombëtare të Ogadenit (ONLF). Ky sulm shkaktoi 9 kinezë të vrarë, një të plagosur ndërsa 7 veta të tjerë u rrëmbyen. Qeveria kineze dhe ajo etiopiane e dënuan ashpër këtë veprim të dhunshëm.

Zëdhënësi i Ministrisë së Punëve të Jashtme Liu Jianchao u shpreh se qeveria kineze e dënon ashpër këtë veprim dhe shprehu hidhërim për viktimat kineze dhe etiopiane si dhe ngushëllime të thella për të afërmit e viktimave dhe urim për shërim të shpejtë të plagosurit. Ai tha se palët përkatëse po kërkojnë të lirojnë të kinezët e rrëmbyer.

Më 24 prill, Ministria e Jashtme e Etiopisë bëri një deklaratë, ku thuhet se ky është "një veprim terrorist i mirëfilltë". Kryeministri i Etiopisë Meles Zenawi u shpreh se ai u ndje shumë i pikëlluar për vrasjen e punonjësve kinezë dhe ka kërkuar që policët ushtarakë të përpiqen me të gjitha forcat për të arrestuar vrasësit. (Shy Guan)