Sipas njoftimeve të Radios së Jashtme të Kinës, më 24 prill, parlamenti rumun organizoi mbledhjen e përbashkët të Senatit dhe të Dhomës së Përfaqësuesve, ku u caktua me votim data e zhvillimit të referendumit për shkarkimin e presidentit Traian Basesku.

Siç mësohet, në këtë mbledhje, 236 pjesëmarrës votuan pro që referendumi të zhvillohet më 19 maj. Ndërsa, 50 të tjerë votuan kundër dhe 3 veta bënë abstenim.

Përveç kësaj, në parlament u miratua edhe një amendament i paraqitur nga partia opozitare Partia Social Demokratike. Sipas këtij amendamenti, në rast se Gjykata Kushtetuese e Rumanisë merr vendim përfundimtar që referendumi është i pavlefshëm për shkak të ndonjë procedure ligjore, atëherë është parlamenti ai që do të marrë hapat e mëvonshëm.(Çan Yean)