Sipas njoftimeve të Radios së Jashtme të Kinës, më 19 prill, në parlamentin e Rumanisë u miratua procedura e shkarkimit te presidenti Traian Basesku, e paraqitur nga partitë opozitare.

Po në këtë ditë, në parlamentin e Rumanisë, u zhvillua mbledhja e përbashkët e Senatit dhe e Dhomës së Përfaqësuesve, për të diskutuar procedurën e shkarkimit të presidentit Basesku. Në votimin e vonshëm, procedura e shkarkimit e paraqitur nga opozita mori përkrahjen e 322 anëtarëve të parlamentit, duke e kaluar numrin 235 të votave të nevojshëm për miratimin e procedurës.

Pastaj, kryeministri i Rumanisë Calin Popesku-Tariceanu u shpreh se ai shpreson që Basesku do të zbatojë premtimin e tij për dorëheqjen nga detyra. Më parë, Basesku ishte shprehur se nëse u miratua procedura e shkarkimit në parlament, ai do të deklaronte dorëheqjen nga detyra brenda 5 minutash.

Sipas kushtetutës së Rumanisë, pas miratimit të procedurës së shkarkimit në parlament, presidenti pezullohet nga detyra e tij dhe brenda një muaji, duhet të zhvillohet referendumi për të vendosur shkarkimin apo jo të presidentit. Por nëse Basesku deklaron dorëheqjen nga detyra, sipas kushtetutës, qeveria do të organizojë zgjedhjet presidenciale brenda 3 muajve. (Shy Guan)