Sipas njoftimeve të Agjencisë Kineze të Lajmeve Hsinhua, përfaqësuesi i Rusisë në Organizatën e Kombeve të Bashkuara Vitali Çurkin u shpreh se Rusia nuk do të përkrahë një rezolutë të OKB-së mbi statusin e ardhshëm të Kosovës që nuk do të pranohet nga Serbia.

Duke iu referuar fjalëve të Çurkinit, Agjencia e Lajmeve ruse ITAR-TASS njoftoi se SHBA-ja dëshiron që Këshilli i Sigurimit të miratojë sa më parë një rezolutë për të sheshuar rrugën e pavarësisë së Kosovës. Ndërsa, pala ruse mendon se ky qëndrim i SHBA-së është "disi i papërshtatshëm".

Lidhur me pyetjet se cili do të jetë qëndrimi që do të mbajë Rusia, nëse në Këshillin e Sigurimit miratohet rezoluta që mund të çojë drejt pavarësisë së Kosovës, Çurkini tha se për këtë problem deri tani ai akoma nuk ka marrë ndonjë udhëzim që Rusia të votojë kundër një dokumenti të tillë. Ai dëshiron që palët përkatëse të mos ia dorëzojnë atë Këshillit të Sigurimit për votim.(Çan Yen)