Sipas njoftimeve të Radios së Jashtme të Kinës, më 12 prill në mëngjes, kryeministri i Kinës Wen Jiabao, që ndodhet në Japoni për vizitë, mbajti në Kongresin e Japonisë një fjalim me titull "Për miqësinë dhe bashkëpunimin".

Në pallatin e tij, perandori i Japonisë Akihito u takua me Wen Jiabaon. Të dy bashkëbiseduesit ishin të mendimit se të dy popujt bashkekzistojnë paqësisht dhe kjo është në interesa të të dy vendeve, të Azisë dhe të botës.

Po atë ditë Wen Jiabao dhe kryeministri i Japonisë Shinzo Abe zhvilluan së bashku mbledhjen e fillimit të mekanizmit të dialogut të nivelit të lartë ekonomik kino-japonez. Të dyja palët shprehën besimin se krijimi i këtij mekanizmi do të zhvillojë bashkëpunimin ekonomik ndërmjet dy vendeve dhe do të nxitë zhvillimin e marrëdhënieve të gjithanshme kino-japoneze. (U Sen)