Korrespondentët e Radios së Jashtme të Kinës njoftuan se më 26 mars, i dërguari i posaçëm i OKB-së për problemin e Kosovës Marti Ahtisari i paraqiti Këshillit të Sigurimit një raport mbi projektin e statusit të ardhshëm të Kosovës.

Në raportin e tij, Ahtisari propozoi për pavarësinë e Kosovës, por ai tha se në fazën fillestare të pavarësisë komuniteti ndërkombëtar duhet të dërgojë në Kosovë personel civil dhe ushtarak për të bërë kontrollin dhe për t'i dhënë ndihmë.

Po më 26 mars, sekretari i përgjithshëm i OKB-së, Ban Ki-moon bëri një deklaratë, ku shprehu përkrahjen për projektin e Ahtisarit.

Më 26 mars në mbrëmje, vendi kryetar i radhës së BE-së, Gjermania bëri një deklaratë në emër të BE-së, në të cilin shprehet përkrahje e vendosur dhe thuhet se ky është një projekt "i barabartë dhe i ekuilibruar".

Por, presidenti i Serbisë Boris Tadic u shpreh se nuk do ta pranojë kurrë këtë projekt. Kur telefonoi me zv-sekretarin e Shtetët të SHBA, Nocholas Burns, Tadic tha se Serbia nuk do të pranojë kurrë pavarësinë e asnjë forme të Kosovës. Ai shprehu pakënaqësi ndaj SHBA-së që përkrah këtë projekt. Tadic bëri thirrje që të vazhdojnë bisedimet mbi statusin e ardhshëm të Kosovës dhe të zgjidhet ky problem me mënyrë të paqes dhe kompromisit.

Edhe Rusia u shpreh kundër, bëri thirrje që të vazhdojnë bisedimet dhe kërkoi për shkarimin e Ahtisarit nga posti i tij.