Sipas njoftimeve të Radios së Jashtme të Kinës, më 10 mars, i dërguari i posaçëm i OKB-së që përgjigjet për bisedimet e statusit të ardhshëm të Kosovës Marti Ahtisari u shpreh në Vjenë se afati një vjeçar për bisedimet për statusin e ardhshëm të Kosovës ka përfunduar, e megjithatë nuk është arritur asnjë progres në këto bisedime.

Ahtisari tha se nuk janë arritur qëllimet e parashikuara në këto bisedime. Ai u shpreh se nuk është e nevojshme që të zhvillohen bisedime të mëtejshme mbi statusin e ardhshëm të Kosovës. Ai do t'i paraqitë para fundit të marsit këshillit të sigurimit të OKB-së një projekt për zgjidhjen e statusit të ardhshëm të Kosovës, të cili u nënshkrua nga ai.

Pas pjesëmarrjes në këto bisedime, presidenti i Serbisë Boris Tadic u shpreh se projekti i paraqitur nga Ahtisari ka krijuar mundësi për pavarësinë e Kosovës. Por pavarësia e Kosovës do të shkaktojë paqëndrueshmërinë e përhershme e rajonit.

Në të njëjtën ditë, anëtari i BE-së Olli Rehn që përgjigjet për çështjen e zgjerimit publikoi një deklaratë ku thuhet se në gjendjen e tanishme ku është vështirë të bëhet ndërmjetësimi midis qëndrimeve të Serbisë dhe të Shqiptarëve të Kosovës, projekti i Ahtisarit është një "kompromis real". BE-ja përkrah që Ahtisari t'i paraqitë këshillit të sigurimit të OKB-së projektin për statusin e Kosovës. (Shyguan)