Sipas njoftimeve të Agjencisë Hsinhua, më 22 shkurt, ministri i Jashtëm i Rusisë Sergei Lavrov, i cili ndodhet për vizitë në Gjermani, u shpreh në Berlin se Rusia kundërshton në parim që të imponohet nga jashtë një projekt për zgjidhjen e problemit të statusit të ardhshëm të Kosovës. Problemi i Kosovës duhet të zgjidhet vetëm nga kombësia serbe dhe shqiptarët etnikë të Kosovës.

Në një konferencë shtypi, Sergei Lavrov tha se i dërguari i posaçëm i OKB-së Marti Ahtisari, që përgjigjet për negociatat e statutit të ardhshëm të Kosovës nuk duhet të marrë një vendim për afatin e procesit të negociatave. Detyra e tij është për të zhvilluar ndërmjetësim midis qeverisë së Serbisë dhe qeverisë së përkohshme autonome të shqiptarëve të Kosovës.

Sipas projektit të paraqitur më 2 shkurt nga Ahtisari, Kosova do të ketë kushtetutë, sistem juridik, trupa ushtarake profesioniste etj. Por kombësia serbe në Kosovë do të gëzojë autonomi të shkallës së lartë. (Shyguan)