Sipas njoftimeve të 12 dhjetorit nga Agjencia Hsinhua në Bukuresht, presidenti i Rumanisë Traian Basescu theksoi më 12 dhjetor se Rumania duhet të zvogëlojë gradualisht mbështetjen te energjia nga vende të tjera. Zhvillimi i energjisë bërthamore do të jetë politika e favorizuar në fushën energjetike në vitet e ardhshme.

Në të njëjtën ditë, Basescu shkoi në qytetin e Rumanisë juglindore Çernavodë për të marrë pjesë në festën e 10-vjetorit të centralit të vetëm të energjisë bërthamore në Rumani. Në këtë festë, ai mbajti një fjalim, ku vur në dukje se për shkak të ngritjes së çmimit ndërkombëtar të naftës, kriza energjetike në botë po ashpërsohet dita-ditës dhe shumë vende po mendojnë për të rifilluar e shpejtuar ndërtimin e centraleve të energjisë bërthamore.

Ai tha se megjithëse tani për tani Rumania ka energji të tepërt elektrike për eksport, me lulëzimin e vazhdueshëm të ekonomisë dhe zhvillimin e pandërprerë të prodhimit, do të shtohet pandërprerë edhe kërkesa për energjisë elektrike në Rumani. Duhet të vazhdojë të ngrihet aftësia e prodhimit të energjisë elektrike, duke u ruajtur ekuilibri i eksport-importit në fushën e energjisë. (Shyguan)