Sipas njoftimeve të Agjencisë Hsinhua, më 11 dhjetor, në mbledhjen e ministrave të jashtëm të BE-së, u zhvilluan diskutime për problemin e heqjes së embargos së armëve ndaj Kinës. Ministrat e jashtëm të vendeve anëtare të BE-së u shprehën se do të vazhdojnë të nxisin zgjidhjen përfundimtare të këtij problemi.

BE-ja e ka ruajtur këtë embargo për 17 vjet. Në dhjetor të vitit 2004, në mbledhjen e liderëve të BE-së që u mbajt në Bruksel, u vendos zyrtarisht që problemi i heqjes së embargos së armëve ndaj Kinës të përfshihet në rendin e ditës. Qysh nga ajo kohë, BE-ja ka ritheksuar më se një herë dëshirën e saj politike që të përpiqet për heqjen e embargos së armëve ndaj Kinës. (Shyguan)