Sipas njoftimeve të Agjencisë Kineze të Lajmeve Hsinhua, më 11 shtator pasdite, presidenti i Rumanisë Traian Basesku dhe kryeministri ruman Popesku Tariceanu u takuan përkatësisht në Bukuresht me anëtarin e Këshillit të Shtetit dhe ministrin e mbrojtjes kombëtare të Kinës gjeneral kolonel Cao Gangchuan që ndodhet për vizitë në Rumani.

Basesku u shpreh se Rumania dhe Kina kanë marrëdhënie tradicionale të bashkëpunimit miqësor dhe Kina zë një pozitë të rëndësishme në politikën e jashtme të Rumanisë.

Popesku Tariceanu theksoi se qëndrimi i Rumanisë mbi problemin e Tajvanit nuk do të ndryshojë dhe vendi i tij mendon se Repulika Popullore e Kinës është e vetmja qeveri e ligjshme që përfaqëson Kinën.

Cao Gangchuani u shpreh se pala kineze dëshiron të nxitë së bashku me Rumaninë zhvillimin e marrëdhënieve midis ushtrive të të dy vendeve dhe dëshiron të japë kontribute të reja për përparimin e mëtejshëm të marrëdhënieve të bashkëpunimit të gjithanshëm miqësor kino-rumun.(Çan Yean)