Sipas njoftimeve të Agjencisë kineze të Lajmeve Hsinhua, më 6 shtator, presidenti i Rumanisë Basescu dhe presidenti i Koresë së Jugut Roh Moo Hyun që ndodhet për vizitë në Rumani u shprehën se dy vendet do të forcojnë më tej marrëdhëniet dypalëshe të bashkëpunimit ekonomiko-tregtar, sidomos bashkëpunimin e ndërtimit të centralit bërthamor dhe të prodhimit të industrisë ushtarake.

Presidentët e dy vendeve zhvilluan një konferencë shtypi pas bisedimeve më 6 shtator. Roh Moo Hyun u shpreh se Koreja e Jugut dëshiron të marrë pjesë në ndërtimin e agregateve nr.3 dhe 4 të centralit bërthamor Cernavoda të Rumanisë. Qeveria e Koresë së Jugut do të bëjë të gjitha përpjekje për të arritur suksese të përbashkëta në bashkëpunimin për energjinë bërthamore.

Më 6 shtator, presidentët e dy vendeve morën pjesë në ceremoninë e nënshkrimit të dy protokolleve mbi inkurajimin dhe mbrojtjen e investimeve dypalëshe dhe mbi nxitjen e bashkëpunimit të teknologjive së reja midis dy qeverive.

Më 5 shtator, Roh Moo Hyun arriti në Rumani duke filluar vizitën e tij 3-ditore. Kjo është hera e parë që presidenti i Koresë së Jugut bëri një vizitë në Rumani pas vendosjes së marrëdhënive diplomatike të dy vendeve në vitin 1990. (Çang Çuo)