Sipas njoftimeve të 8 gushtit të Agjencisë kineze të Lajmeve Hsinhua, më 8 gusht, media polake njoftoi se kryeministri i Polonisë Jaroslaw Kaczynski i telefonoi kryeministrit të Ukrainës Viktor Yanukovitch. Të dyja palët shprehën dëshirën për forcimin e mëtejshëm të marrëdhënieve midis dy vendeve.

Jaroslaw Kaczynski e uroi Yanukovitchin për marrjen e postit të kryeministrit të Ukrainës dhe e ftoi atë të bëjë së shpejti një vizitë në Poloni. Kaczynski shprehu kënaqësinë për formimin e qeverisë së re pas arritjes së unanimitetit midis forcave kryesore politike të Ukrainës dhe beson se marrëdhëniet midis Polonisë dhe Ukrainës do të vazhdojnë të zhvillohen më tej.

Yanukovitchi që sapo mori postin e kryeministrit të Ukrainës theksoi se Ukraina dëshiron të bashkëpunojë ngushtë me Poloninë dhe të zgjidhen problemet e ndryshme ekonomike në marrëdhëniet ndërmjet dy vendeve. (Çang Çuo)