Sipas lajmeve të Agjencisë Hsinhua, më 7 korrik në Athinë, ministrja e Jashtme e Greqisë Bakoyannis dhe sekretari i përgjithshëm i NATO-së Jaap de Hoop Scheffer që ndodhet për vizitë në Greqi zhvilluan së bashku bisedime, ku të dyja palët ranë dakord që të zgjatet koha e dislokimit të trupave paqeruajtëse të Greqisë në Kosovë deri në përfundimin e suksesshëm të bisedimeve për statusin e ardhshëm të Kosovës. Ndërkohë, NATO-ja nuk i kërkon Greqisë të dërgojë më shumë trupa në Afganistan.

Jaap de Hoop Scheffer vlerësoi lart rolin e rëndësishëm të Greqisë në detyrën paqeruajtëse të NATO-së në Kosovë, Afganistan dhe në Irak. Ai theksoi gjithashtu se trupat e NATO-së duhet të modernizohen për të focuar aftësinë e tyre në reagime dhe dislokime të shpejta. (Jiang Lei)