Tadiçi dhe Kostuniça u shprehën në takime se marrëdhëniet miqësore kino-serbe kanë një histori të gjatë dhe nëpërmjet mirëkuptimit, besimit dhe mbështetjes reciproke, të dyja vendet kanë arritur mendime të përbashkëta mbi disa probleme të rëndësishme ndërkombëtare e rajonale. Serbia dhe Kina kanë potencial të madh bashkëpunimi në fushat bujqësore, të komunikacionit, të prodhimit të ilaçit etj. dhe dëshirojnë që të dyja palët të bëjnë përpjekje të përbashkëta për të ngritur mëtej marrëdhëniet e bashkëpunimit ekonomik dhe i mirëpresin më shumë ndërmarrje kineze të investojnë në Serbi për të marrë pjesë në ndërtimin ekonomik të këtij vendi.

Wang Zhongyu tha se pala kineze dëshiron të nxitë bashkarisht me palën serbe marrëdhëniet e miqësisë dhe të bashkëpunimit midis dy vendeve mbi bazën e respektit dhe leverdisë reciproke.

Ai vlerësoi dhe shprehu falënderime për këmbënguljen e Serbisë që për një kohë të gjatë i përmbahet politikës së "një Kine" dhe përkrahjen e saj për ribashkimin e Kinës si dhe shtjelloi qëndrimin e Kinës mbi problemet rajonale që u interesojnë të dyja vendeve.(Çan Yean)