Korrespondenti i Agjencisë Kineze të Lajmeve Hsinhua njoftoi se më 11 prill, presidenti i Qipros Tasos Papadopoulousi u shpreh në Nikosia se qeveria e Qipros vazhdon të zbatojë politikën e një Kine.

Gjatë një takimi me një delegacion të provincës Sichuan të Kinës, të kryesuar nga sekretari i Partisë Komuniste të Kinës për provincën Sichuan dhe kryetari i Asamblesë Kombëtare Popullore të provincës, Zhang Xue Zhong, Papadopoulousi tha se marrëdhëniet midis Kinës dhe Qipros janë shumë të mira, Kina dhe Qiproja do të jenë gjithmonë miq.

Ndërkaq, Papadopoulousi u shpreh se Qiproja është një vend i vogël, megjithatë, si një vend anëtar i BE-së, Qiproja përkrah me vendosmëri heqjen e urdhërit për ndalimin e shitjes së armëve të BE-së Kinës.

Më 11 prill, Ministria e Punëve të Jashtme të Algjerisë bëri një deklaratë në përkrahje të ligjit kundër secesionit, të miratuar në Asamblenë Kombëtare Popullore të Kinës dhe ritheksoi qëndrimin parimor të saj për politikën e një Kine. Në këtë deklaratë thuhet se marrëdhëniet midis dy vendeve kanë një histori të gjatë. Algjeria përkrah gjithmonë qeverinë kineze në mbrojtjen e sovranitetit dhe të çështjes së ribashkimit të tërësisë territoriale. (Yuan Xin)