Sipas njoftimeve të Agjencisë Kineze të Lajmeve Hsinhua, më 3 shkurt, ministri polak i mbrojtjes, Szmajdezinski tha se nëse Këshilli i Sigurimit i OKB-së nuk miraton ndonjë rezolutë të re, Polonia do të tërheqë plotësisht trupat e saj të dislokuara në Irak para fundit të këtij viti.

Ai tha se nëse para fundit të vitit 2005, Këshilli i Sigurimit nuk miraton ndonjë rezolutë për ekzistencën e trupave të huaja në Irak, Polonia do të tërheqë trupat e saj para fundit të dhjetorit. Ai u shpreh gjithashtu se, nëse qeveria irakiane u kërkon trupave të huaja të tërhiqen nga Iraku, ai nuk e përjashton mundësinë e tërheqjes së trupave polake edhe më herët.(Çan Yean)