Më 21 nëntor në mbrëmje kryetari i shtetit i Kinës Hu Jintao u takua në Santiago të Kilit me kryeministrin e Japonisë Junichiro Koizumi.

Gjatë takimit, Hu Jintao parashtroi mendimin orientues për zhvillimin e shëndetshëm të marrëdhënieve kino-japoneze, domethënë, të respektojnë me rigorozitet parimet e tre dokumenteve politike midis Kinës dhe Japonisë, të ngulin këmbë në nxjerrjen e mësimeve nga historia dhe në hedhjen e vështrimit për të ardhmen, të forcojnë bashkëpunimin në çështjet rajonale dhe ndërkombëtare, të thellojnë më tej shkëmbimet kulturore, arsimore dhe midis të të rinjve e fëmijëve të dy vendeve, dhe të nisen nga nevojat e përbashkëta të të dy vendeve, të forcojnë bashkëpunimin në fushat energjetike dhe të mbrojtjes së mjedisit.

Hu Jintao tha se për zhvillimin e marrëdhënieve kino-japoneze nuk mund t'i shmangemi problemit historik. Tani kyçi i vështirësisë së marrëdhënieve politike midis dy vendeve është se liderët japonezë bëjnë lutje në tempullin Yasukun . Hu Jintao shpreson se pala japoneze do të trajtojë në mënyrë të përshtatshme këtë problem, do të ketë parasysh ndjenjat e popujve, viktima të agresionit japonez, dhe të ketë parasysh gjendjen e përgjithshme të miqësisë kino-japoneze ( zhang )