Më 27 nëntor, kryeministri kinez Wen Jiabao i dërgoi një telegram kryeministri indian Manmohan Sing për të shprehur ngushëllime për të vdekurit dhe të plagosurit e shumta të shkaktuar nga incidenti i sulmeve terroriste në Mumbai të Indisë.

Nga 26 nëntori në mbrëmje deri më 27 nëntor herët në mëngjes, në Mumbai të Indisë ndodhën një sërë sulmesh terroriste duke shkaktuar deri tani 101 të vdekur. OKB-ja, Kina, SHBA-ja, Bashkimi Evropian, Japonia etj. dhe disa organizata ndërkombëtare e kanë dënuar ashpër këtë incident sulmesh terroriste.

Më 26 nëntor, sekretari i përgjithshëm i OKB-së Ban Ki Moon bëri një deklaratë ku tha se ky veprim i dhunshëm është plotësisht i papranueshëm.

Më 27 nëntor, zëdhënësi i Ministrisë së Punëve të Jashtme të Kinës Qin Gang tha se Kina kundërshton me vendosmëri terrorizmin e çdo forme.

Presidenti i zgjedhur amerikan Barak Obama u shpreh se SHBA-ja do të forcojë bashkëpunimin antiterrorist me Indinë dhe vende të tjera.

Komisioni i Bashkimit Evropian dhe Franca bënë përkatësisht deklarata për të dënuar këtë incident terrorist. (Fani)