Më 19 nëntor pasdite, presidenti i Republikës Popullore të Kinës Hu Jintao arriti në Limë, duke filluar vizitën e tij shtetërore në Peru. Ai do të marrë pjesë në mbledhjen jozyrtare të 16-të të liderëve të APEK-ut.

Në aeroport, Hu Jintao mbajti një fjalim me shkrim, ku tha se 37 vjet pas vendosjes së marrëdhënieve diplomatike midis Kinës dhe Perusë, marrëdhëniet e tyre shkojnë mirë. Sidomos në vitet e fundit, të dyja palët kanë forcuar dita-ditës bashkëpunimin dhe shkëmbimet në fushat politike, ekonomiko-tregtare, kulturore, arsimore, shkencore etj. Edhe në çështjet ndërkombëtare dhe rajonale ato kanë ruajtur koordinimin e mirë. Pala kineze vlerëson lart zhvillimin e marrëdhënieve kino-peruane dhe dëshiron të bëjë përpjekje së bashku me Peru-në për të ngritur nivelin e marrëdhënieve dypalëshe. (U Sen)