Agjencia kineze e Lajmeve Xinhua njoftoi se më 13 nëntor në Uashington, drejtori ekzekutiv i FMN-së Ge Huayong tha se samiti financiar që do të zhvillohet në Uashington të Amerikës është një mbledhje e rëndësishme në një kohë kyçe dhe është hapi i ri i bashkëpunimit botëror për krizën financiare.

Ai është i mendimit se ky samit është në interes të bashkëpunimit ndërkombëtar dhe të nxitjes së besimit të tregut përballë krizës financiare.

Duke pasur parasysh kërkesën e botës për reformën e sistemit financiar ndërkombëtar, Ge Huayong mendon se qëllimi i reformës së sistemit monetar e financiar botëror është: të ruhet parimi i reformës së vazhdueshme për të realizuar ekuilibrin në të drejtat dhe detyrat e vendeve anëtare dhe parimi i pjesëmarrjes nga të gjithë për të realizuar barazinë e të drejtave të vendeve anëtare në rregullat ekonomike e financiare botërore. (U Sen)