Sipas Radios së Jashtme të Kinës, më 24 tetor në Pekin, kryetari i Shtetit i Kinës Hu Jintao u takua përkatësisht me kancelaren gjermane Merkel dhe presidentin e Sllovenisë Turk, që ndodhen në Kinë për të marrë pjesë në samitin e 7-të të liderëve Azi-Evropë.

Gjatë takimit me Merkelin, Hu Jintao u shpreh se pala kineze dëshiron që bashkë me palën gjermane të shikojë dhe trajtojë marrëdhëniet kino-gjermane nga lartësia strategjike dhe me largpamësi, duke ruajtur mirë interesat e përbashkëta të të dy vendeve për të nxitur zhvillimin e qëndrueshëm dhe të shëndetshëm të këtyre marrëdhënieve.

Gjatë bisedimeve me Turk-un, Hu Jintao u shpreh se pala kineze dëshiron që të ngrejë bashkë me palën sllovene bashkëpunimin miqësor mes dy vendeve në një nivel të ri. Pala kineze shpreson që vendet e ndryshme të rajonit të Ballkanit Perëndimor t'i zgjidhin problemet e mbetura nga historia nëpërmjet dialogut dhe Kina do të vazhdojë përpjekjet e saj për procesin e paqes në këtë rajon. (Jiang Lei)