Korrespondenti i Agjencisë së Lajmeve Zhongxin njoftoi se ekstraktet natyrore të fituara me metodat e shkencës dhe të teknologjisë së lartë përdoren gjerësisht në fushat e ushqimeve, të ilaçeve, të kozmetikës etj. Në Kinë, kjo është një industri e lulëzuar e gjelbër.

Kur kriza financiare ka sjellë ndikimet përkatëse mbi Kinën, mësohet nga Ekspozita e Ekstrakteve Natyrore e organizuar më 16 tetor se këtë vit është rritur shumë vëllimi i eksportit të ekstrakteve natyrore të Kinës në Evropë dhe SHBA.

Presidenti i Kompanisë së Studimit dhe Zhvillimit të Ekstrakteve Natyrore Jianfeng Yu Hongjian u shpreh se vëllimi vjetor i prodhimit të ekstrakteve natyrore nga kompania e tij është 1 deri 2 miliardë juanë. Këtë vit, kjo kompani nuk është ndikuar nga lëkundjet ekonomike globale dhe vëllimi i saj i eksportit është rritur 40 % deri 50 %.

Ndërmarrjet që morën pjesë në këtë ekspozitë janë ndërmarrjet më të dalluara në industrinë e ekstrakteve natyrore të Kinës. Në këtë ekspozitë u mblodhën teknologjitë e ekstrakteve natyrore. Shumë ndërmarrje të njohura botërore erdhën këtu për të blerë dhe për të kërkuar bashkëpunimin. (Çang Çuo) (Artan)