Më 15 tetor, në sfondin e tronditjes financiare botërore, u hap panairi më i madh ndërkombëtar, Panairi i Mallrave të Import-Eksportit i qytetit Guangzhou të Kinës Jugore.

Ky panair mbi 50-vjeçar konsiderohet si simboli i tregtisë së jashtme të Kinës. Numri i ndërmarrjeve që marrin pjesë në këtë panair është shtuar në mbi 5000.

Por, për shkak të lëvizjes së çmimeve të lëndëve të para, të ngritjes së kursit të këmbimit të renminbi-së, të zvogëlimit të tregut të jashtëm dhe elementeve të tjera, shumë ndërmarrje eksportuese kineze kanë ulur parashikimet e tyre, duke mbajtur një qëndrim të kujdesshëm ndaj presionit të eksportit.

Një funksionar përkatës kinez, Zhang Yansheng, u shpreh se nuk ka përfunduar ende kjo tronditje financiare botërore e shkaktuar nga kriza amerikane e kredive, e cila do të sjellë ndikime ndaj ekonomisë reale dhe do të ndikojë mbi eksportin e Kinës.

Megjithatë, shumica e njerëzve mbajnë qëndrim optimist të kujdesshëm për industrinë eksportuese kineze, sepse gjendja bazë e ekonomisë kineze nuk ka ndryshuar. (Shy Guan) (Artan)