Në ceremoninë e mbylljes së Lojërave Paralimpike, vajza e vogël Wang Yimei, që nuk dëgjon, bëri një dialog të sinqertë me zjarrin e shenjtë paralimpik në gjuhën e shenjave. Vajza e dashur dhe e ëmbël qëndroi në platformën e vogël të qendrës së stadiumit kombëtar të Pekinit, "Foleja e Zogut", duke u shprehur në gjuhën e shenjave: "Zjarr i shenjtë, a më shikon? Ti po digjesh në zemrën time. Zjarr i shenjtë, a më dëgjon? Unë po të këndoj."

Përmbajtja e gjuhës së shenjave të interpretuar nga kjo vajzë u shfaq në ekranin e madh televiziv të stadiumit. Nën përsëritjen e këtyre vargjeve nga vogëlushja Wang Yimei, u shua ngadalë zjarri i shenjtë paralimpik në pishtarin kryesor të "Folesë së Zogut". (Shy Guan) (Artan)