Sipas njoftimeve të Agjencisë Kineze të Lajmeve Sinhua, më 10 shtator, drejtuesja e Sekretariatit të "Konventës së të drejtave të njerëzve me aftësi të kufizuar" të OKB-së Akiko Ito tha se vitet e fundit, çështja e njerëzve me aftësi të kufizuar e Kinës ka arritur përparime të mëdha. Ajo mund të ndiejë se qeveria kineze po bën të gjitha përpjekjet për të mbrojtur të drejtat e njerëzve me aftësi të kufizuar.

Akiko Ito u tha korrespondentëve se qeveria kineze u ka kushtuar shumë rëndësi arsimit dhe punësimit të njerëzve me aftësi të kufizuar.

Duke folur për vizitën e saj në fshatin paralimpik të Pekinit, Akiko Ito u shpreh se u habit nga instalimet e ndryshme të përsosura atje. Ajo tha se këto instalime për njerëzit me aftësi të kufizuar do të ruhen edhe pas Lojërave Paralimpike të Pekinit dhe kjo është e pakrahasueshme me Lojërat e kaluara Paralimpike. (Du) (Artan)