Sipas njoftimeve të 10 shtatorit të Agjencisë Kineze të Lajmeve Hsinhua në Hong-Kong, për të inkurajuar zhvillimin e çështjes së njerëzve me aftësi të kufizuar në fushën sportive dhe për t'i përkrahur ata që të arrijnë suksese në ndeshjet dhe garat ndërkombëtare, administrata e Rajonit të Posaçëm të Hong-Kongut krijoi Fondin e sportistëve të dalluar, duke investuar 50 milionë dollarë hongkongas. Ky fond ka për qëllim që t'u japë ndihmë sportistëve që kanë lënë sportin. Komisioni i Administrimit të Fondit ka investuar 2 milionë e 160 mijë dollarë hongkongas në zhvillimin e objekteve sportive kryesore, dhe ka shpenzuar një milion e 940 mijë dollarë hongkongas për t'u dhënë 100 sportistëve me aftësi të kufizuar fizike subvencionet e jetesës, të cilat kanë për qëllim t'i ndihmojnë ata në stërvitje dhe në pjesëmarrjen e tyre në ndeshjet dhe garat ndërkombëtare. Sportistët me aftësi të kufizuar fizike që kanë lënë sportin, mund të kërkojnë të punësohen dhe çdonjëri mund të fitojë në maksimum 120 mijë dollarë hongkongas. (Sihai)