Sipas njoftimeve të Radios së Jashtme të Kinës, më 5 shtator gjatë takimit në Pekin me zv/kryeministrin e Polonisë Pavlak që ka ardhur në Kinë për të marrë pjesë në ceremoninë e hapjes së Lojërave Paralimpike të Pekinit, kryeministri i Kinës Wen Jiabao tha se pala kineze do të përpiqet të organizojë Lojërat Paralimpike me të njëjtin shkëlqim me Lojërat Olimpike.

Wen Jiabao tha gjithashtu se Lojërat Paralimpike janë një arenë e njerëzve me aftësi të kufizuar fizike për të treguar frymën e sinqertë dhe modelin e kohës të tyre, në mënyrë që gjithë bota t'i kushtojë rëndësi më të madhe çështjes së njerëzve me aftësi të kufizuar fizike.

Valdemar Pavlaku shprehu urimin për organizimin me sukses të këtij edicioni të Lojërave Olimpike nga qeveria e populli kinez dhe uroi që Lojërat Paralimpike të arrijnë sukses të plotë. Ai tha gjithashtu se pala polake dëshiron të forcojë bashkëpunimin me Kinën në investimet reciproke, ndërtimin e infrastrukturës dhe në fushat e energjetikës, të mbrojtjes së mjedisit, turizmit etj. (Sihai)