Sipas njoftimeve të Radios së Jashtme të Kinës, pas përfundimit me sukses të plotë të vizitave shtetërore në Korenë e Jugut, në Taxhikistan dhe në Turkmenistan, dhe pas pjesëmarrjes së tij në mbledhjen e 8-të të Këshillit të presidentëve të vendeve anëtare të Organizatës së Bashkëpunimit të Shangait, më 30 gusht kryetari i shtetit i Kinës Hu Jintao u kthye në Pekin. Para se të kthehej në Pekin, më 29 gusht Hu Jintao zhvilloi bisedime përkatësisht me presidentin e Turkmenistanit Berdymukhamedov dhe me kryetaren e Asamblesë Kombëtare të Turkmenistanit, Akja Nurberdyjeva.

Gjatë bisedimeve me Berdymukhamedovin, Hu Jintao tha se zhvillimi i marrëdhënieve miqësore të barabarta të besimit dhe të përfitimeve të përbashkëta me leverdi reciproke midis Kinës dhe Turkmenistanit është kurs i vendosur i qeverisë kineze.

Berdymukhamedovi tha se Turkmenstani dëshiron të vazhdojë me palën kineze bashkëpunimin midis dy vendeve në fushat politike, ekonomiko-tregtare, humanitare dhe në fusha të tjera për të shtuar pandërprerë vitalite të reja për zhvillimin e marrëdhënieve midis dy vendeve.

Gjatë bisedimeve me Nurberdyjavanë, Hu Jintao tha se ekonomia kineze dhe ekonomia e Turkmenistanit kanë plotësi të fortë reciproke dhe vitaliteti i bashkëpunimit midis dy vendeve është shumë i madh.

Nurberdyjeva tha se parlamenti i Turkmenistanit përkrah me vendosmëri zhvillimin e marrëdhënieve të bashkëpunimit miqësor midis dy vendeve. (Sihai)