Më 10 gusht, kryeministri kinez Wen Jiabao u takua në Pekin me kryeministrin e Shqipërisë Sali Berisha që mori pjesë në ceremoninë e hapjes së Lojërave Olimpike të Pekinit.
Wen Jiabao tha se midis popullit kinez dhe atij shqiptar ekziston miqësia tradicionale. Vitet e fundit, janë shtuar kontaktet e nivelit të lartë midis dy palëve dhe të dyja palët kanë përkrahur njera tjetrën në problemet e rëndësishme me interes të përbashkët. Pala kineze dëshiron të kërkojë së bashku me palën shqiptare mënyrën efektive për zgjerimin e tregtisë dhe të investimeve reciproke, në mënyrë që bashkëpunimi miqësor midis Kinës dhe Shqipërisë të krijojë më shumë leverdi për popujt e dy vendeve.
Sali Berisha u shpreh se qeveria dhe populli shqiptar e cmojnë shumë miqësinë tradicionale shqiptaro-kineze dhe e falënderon Kinën që i ka dhënë për një kohë të gjatë Shqipërisë përkrahje dhe ndihmë. Pala shqiptare shpreson se do të zhvillojë marrëdhëniet e bashkëpunimit të gjithanshëm me Kinën. (Du/ Artan)