Fidel Ylli: Unë si shef i delegacionit shqiptar kam qenë në tre Lojëra, në ato të Sidneit në vitin 2000, në ato të Athinës në 2004 dhe tani si shef i misionit shqiptar për Lojërat Olimpike Pekin 2008. Mund të them që pritej kjo supremaci e Kinës në organizimin e këtyre lojërave, një hegjemoni mjaft e madhe në të gjitha gjërat, jo vetëm në vullnetarë, jo vetëm në respektin që u bëhet olimpistëve, jo vetëm në fshatin olimpik, që është një fshat që nuk ka qenë në asnjë nga këto lojëra që unë përmenda më lart, por në gjithçka mund të them që është në perfeksion. Sidomos me këtë mbyllje madhështore që Kina i bëri hapjes së Lojërave Olimpike, me një spektakël fantastik dhe me atë mbyllje fantastike me ndezjen e flakës olimpike, që ishte një domethënie shumë e madhe. Ishte një njeri që vraponte dhe që u jepte imazhin njerëzve që duhet të merren më tepër me sport, se sporti zbut shpirtrat e njerëzve, sporti është përcjellës i paqes, sporti ndërron cilësinë e jetës. Ishte një mesazh mjaft kuptimplotë, një mesazh shumë i bukur, që jo vetëm delegacionit shqiptar, por të gjitha delegacioneve që ne kishim aty rrotull u bëri shumë përshtypje. Dhe e kishin vlerësuar edhe kryetarë shtetesh si Xhorxh Bushi, kryeministri shqiptar dhe shumë kryetarë të tjerë shtetesh këtë eveniment që bëhej sot në Kinë. Unë dua të falënderoj qeverinë kineze, dua të falënderoj komitetin organizator, ata që ideuan një spektakël të tillë. Në një fjalim të mbajtur nga presidenti i Komitetit Olimpik Ndërkombëtar, zoti Zhak Rog, ai ka shprehur që 50 % e suksesit të Lojërave Olimpike është ceremonia e hapjes. Unë mund të them se jo 50 %, por më shumë se 50 %, sot Kina tregoi se do të jenë lojërat model dhe tani nuk ngel gjë tjetër, veçse është në dorën e sportistëve që të ketë "fair play", që të ketë një organizim më të mirë dhe secili të meritojë atë që i takon.

Gazetarja e RJK-së: Shumë faleminderit dhe ju urojmë të arrini suksese në Lojërat Olimpike!

Fidel Ylli: Faleminderit dhe ju për intervistën.