Sipas Radios së Jashtme të Kinës, më 23 qershor, një funksionare përkatëse e Drejtorisë Shtetërore të Auditimit të Kinës u shpreh në Pekin se sipas punëve të kontrollit dhe revizionimit, në përgjithësi fondet e materialet për zonat e prekura nga tërmeti që ra në Wenchuan të Sichuanit janë përdorur në mënyrë normale.

Atë ditë në konferencën e shtypit të zhvilluar nga zyra e informacioneve pranë Këshillit të Shtetit të Kinës, ministrja e Auditimit e Kinës znj. Ma Wen tha se pas tërmetit në Wenchuan të Sichuanit, Kina ka formuar nga qeveria qendrore deri në qeveritë lokale një sistem auditimi, që mbulon një sipërfaqje të madhe dhe është me nivele të shumta, duke publikuar njëkohësisht një dokument zyrtar mbi forcimin e mbikëqyrjes mbi fondet e materialet për zhdukjen e pasojave të fatkeqësisë. Ndërkohë, Kina ka zhvilluar mbikëqyrjen dhe kontrollin mbi shpërndarjen dhe përdorimin e këtyre fondeve dhe materialeve për zona të prekura nga tërmeti dhe ka zbuluar dhe dënuar veprime të shkeljes. (Jiang Lei)