Sipas njoftimeve të Agjencisë Kineze të Lajmeve Sinhua, më 11 qershor, kryeminstri kinez Wen Jiabao drejtoi mbledhjen e përhershme të Këshillit të Shtetit të Kinës për të studiuar dhe rregulluar rifillimin e prodhimit në zonat e prekura nga tërmeti.

Në këtë mbledhje vihet në dukje se duhet të zhvillohet rindërtimi dhe prodhimi, duhet të forcohet përkrahja e qeverisë dhe duhet të inkurajohet shoqëria ta përkrahë rindërtimin e zonave të prekura nga tërmeti. Duhet të bëhen në radhë të parë rindërtimi i instalimeve të rëndësishme bazë dhe i veprave të rëndësishme dhe duhet të garantohet jeta normale e banorëve.

Më 11 qershor, përgjegjësit përkatës të ushtrisë dhe të policisë së armatosur kineze u shprehën në Pekin se trupat dhe policia e armatosur kineze do të vazhdojnë të marrin pjesë në vendosjen e banorëve të zonave të prekura nga tërmeti dhe në rindërtimin e zonave.

Zëdhënësi i Ministrisë së Mbrojtjes të Kinës Hu Changming u shpreh se punët kryesore të 130 mijë ushtarëve dhe të policëve të armatosur në zonat e prekura nga tërmeti janë shpërngulja e banorëve, mjekimi i të plagosurve, parandalimi i fatkeqësive pas tërmetit, zhdukja e rreziqeve të liqeneve të shkaktuara nga tërmeti, zhvillimi i karantinës, ndihma në rindërtimin e vatrave etj. (Fani)?Du?