Sipas Agjencisë së Lajmeve Hsinhua, më 3 qershor paradite, anëtari i përhershëm i Byrosë Politike të KQ-së të PKK-së Li Changchun shkoi në Dujiangyan të provincës Sichuan, ku po inspekton gjendjen e shkatërrimit të trashëgimisë kulturore si tempulli Erwangmiao.

Më 1 qershor, me kërkesën e sekretarit të përgjithshëm të KQ-së të PKK-së Hu Jintao, Li Changchun shkoi posaçërisht në Sichuan. Ai inspektoi gjendjen në zonat e prekura nga tërmeti, vizitoi banorët dhe personelin e shpëtimit në këto zona dhe drejtoi punët e zhdukjes së pasojave të fatkeqësisë.

Gjatë këtyre ditëve, Li Changchun inspektoi përkatësisht gjendjen në Mianyang, Pingwu e Deyang. Ai u shpreh se PKK-ja dhe qeveria kineze me siguri do t'u japin ndihmë banorëve të prekur për rindërtimin e shtëpive.

Krahas këtyre, Li Changchun bëri një vizitë te gazetarët dhe reporterët që po luftojnë në frontin e parë. (Jiang Lei)