Më 8 maj, kryetari i shtetit i Kinës Hu Jintao hëngri një mëngjes në hotelin ku po qëndron me ish-kryeministrat e Japonisë Yasuhiro Nagasone, Toshiki Kaifu, Yoshiro Mori dhe Shinzo Abe. Hu Jintao zhvilloi një bisedë të ngrohtë e miqësore me ta.

Hu Jintao vuri në dukje se për Kinën dhe Japoninë, marrëdhëniet ndërmjet tyre janë një nga marrëdhëniet më të rëndësishme dypalëshe. Tani, është zhvilluar thellësisht globalizimi ekonomik dhe është shpejtuar integrimi i Azisë. Kina dhe Japonia janë vende të rëndësishme në rajon dhe në botë, janë shtuar problemet dhe përgjegjësitë e përbashkëta që ndodhen para tyre. Marrëdhëniet e të dyja vendeve e kanë kaluar sferën dy palëshe dhe kanë ndikime gjithnjë e më të mëdha rajonale e botërore. Pala kineze dëshiron të bëjë përpjekje së bashku me palën japoneze që të shtojnë besimin reciprok strategjik, të thellojnë bashkëpunimin me leverdi reciproke, të zgjerojnë shkëmbimet kulturore dhe të nxitin rimëkëmbjen e Azisë, për të përballuar sfidat botërore dhe çuar përpara marrëdhëniet strategjike të leverdisë reciproke ndërmjet Kinës dhe Japonisë.

Nagasone Yasuhiro u shpreh se dokumenti i 4-t politik ndërmjet Kinës dhe Japonisë është një dokument programatik që do të drejtojë zhvillimin e marrëdhënieve dypalëshe, ai ka një rëndësi të madhe historike.

Toshiki Kaifu u shpreh se shkëmbimet e mendimeve në mënyrë të hapur ndërmjet dy vendeve janë shumë të rëndësishme për të zgjidhur problemet që ekzistojnë në marrëdhëniet ndërmjet tyre.

Yoshiro Mori tregoi mendimet e tij për zhvillimin afrikan duke shprehur shpresën që Kina dhe Japonia do të forcojnë bashkëpunimin dhe do të japin kontribut për nxitjen e zhvillimit dhe të paqes në Afrikë.

Shinzo Abe u shpreh nga ana e tij se vizitat reciproke të liderëve kino-japonezë janë shumë të rëndësishme për të përmirësuar marrëdhëniet e të dyja vendeve.

4 ministrat japonezë uruan organizimin me sukses të Lojërave Olimpike të Pekinit (Yuan Xin)