Hu Jintao tha se qëllimi i kësaj vizite është shtimi i besimit reciprok, forcimi i miqësisë, thellimi i bashkëpunimit, planifikimi i të ardhmes dhe nxitja e gjithanshme e marrëdhënieve strategjike me leverdi reciproke midis Kinës dhe Japonisë. Ai shprehu besim se me përpjekjet e përbashkëta të të dy palëve, kjo vizitë me siguri do të arrijë rezultatet e parashikuara.

Duke folur për Lojërat Olimpike të Pekinit, Hu Jintao tha se punët e ndryshme përgatitore po zhvillohen në mënyrë intensive dhe të rregullt. Ai u shpreh se beson se me pjesëmarrjen e gjerë të popujve të ndryshëm të botës, duke përfshirë edhe popullin japonez dhe me përpjekjet e mëdha të familjes së madhe olimpike ndërkombëtare, Lojërat Olimpike të Pekinit me siguri do të jenë një miting i madh me karakteristika dhe nivel të lartë.

Hu Jintao u bëri të ditur gazetarëve se po këtë ditë sektori përkatës i qeverisë qendrore zhvilloi kontakte dhe konsultime me përfaqësuesin personal të Dalaj Lamas. Hu Jintao shpreson sinqerisht se pala e Dalaj Lamas do të vërtetojë me veprime konkrete ndalimin e përçarjes së atdheut, të ideimit e të nxitjes së dhunës dhe të shkatërrimit kundër Lojërave Olimpike të Pekinit, që të krijojë kushte për konsultime të mëtejshme. (Wang Lei)