Sipas Agjencisë së Lajmeve Hsinhua, më 3 maj, gazetari mësoi nga Komiteti Organizativ Olimpik i Pekinit se ky komitet do t'i japë falas të gjithë botës sinjalin televiziv të përditshëm lidhur me stafetën e pishtarit olimpik.

Siç mësohet, Komiteti Organizativ Olimpik i Pekinit dhe Televizioni Qendror i Kinës ranë dakord që nga 1 prilli, grupi i prodhimit të sinjalit televiziv zyrtar mbi stafetën e pishtarit olimpik të Olimpiadës së Pekinit, i cili formohet nga Televizioni Qendror i Kinës, do të përgatisë çdo ditë sinjalin televiziv prej 15 minutash që do të përfshijë korrespodencat në gjuhën kineze e angleze dhe do ta transmetojë falas në mbarë botën.

Stafeta e pishtarit olimpik të Lojërave Olimpike të Pekinit, që është me temën "Ndez pasion, dërgo ëndërr", do të zhvillohet në pesë kontinente të botës. Stafeta jashtë Kinës do të zhvillohet nga 1 prilli deri më 3 maj, dhe ajo brenda Kinës do të zhvillohet nga 4 maji deri më 8 gusht. (Jiang Lei)