Gjatë bisedimeve, Wen Jiabao propozoi të dyja palët të ruajnë prirjen e mirë të vizitave reciproke të liderëve dhe të takimeve midis tyre në konferenca shumëpalëshe, që të bëjnë me kohë koordinime e shkëmbime të nivelit të lartë për marrëdhëniet dypalëshe dhe probleme me interes të përbashkët dhe që të shtojnë besimin reciprok politik; të shtojnë cilësinë e efikasitetin e bashkëpunimit ekonomiko-tregtar midis dy vendeve; të trajtojnë si duhet dhe me seriozitet problemin historik dhe atë të Tajvanit, që të mbrojnë bazën e marrëdhënieve politike midis dy vendeve.

Fukuda u shpreh se forcimi i bashkëpunimit midis Japonisë dhe Kinës dhe marrja së bashku e përgjegjësive për Azinë dhe për botën janë kërkesa e kohës dhe gjithashtu shpresa e përbashkët e popujve aziatikë dhe e komunitetit ndërkombëtar. Ai tha se në problemin e Tajvanit, pala japoneze nuk përkrah "pavarësinë e Tajvanit" si dhe "pranimin" e Tajvanit në OKB-në.

Në konferencën e shtypit pas bisedimeve, të dy liderët u shprehën se ranë dakord që kryetari i shtetit i Kinës Hu Jintao ta vizitojë Japoninë në pranverën e vitit të ardhshëm. (Wang Lei) (Artan)