Sipas njoftimeve të Agjencisë Kineze të Lajmeve Hsinhua, më 24 shtator në Pallatin e Madh të Popullit, kryetari i Komitetit të Përhershëm të Asamblesë Kombëtare Popullore të Kinës Han Çide zhvilloi një takim me ministrin e Mbrojtjes Kombëtare të Bullgarisë Veselin Briznakov dhe delegacionin që e shoqëronte.

Han Çide tha se pas vendosjes së marrëdhënieve diplomatike ndërmjet Kinës dhe Bullgarisë, marrëdhëniet dypalëshe kanë ruajtur gjendjen e mirë të zhvillimit. Liderët e nivelit të lartë të të dy vendeve kanë mbajtur kontakte të shpeshta. Është forcuar gradualisht besimi politik reciprok dhe të dyja palët kanë thelluar vazhdimisht bashkëpunimin dhe shkëmbimet në nivele dhe fusha të ndryshme.

Briznakovi tha se Kina është partneri më i rëndësishëm i bashkëpunimit i Bullgarisë në Azi. Vitet e fundit, kontaktet e të dy vendeve në fusha të ndryshme janë bërë më të ngushta dita ditës dhe të dyja palët kanë zhvilluar bashkëpunimin aktiv në fushën e mbrojtjes. Bullgaria i përmbahet me vendosmëri politikës së një Kine. (U Sen)