Sipas njoftimeve të Agjencisë Kineze të Lajmeve Hsinhua, më 21 maj, ambasada e Kroacisë në Kinë dha në Pekin një pritje me rastin e 15-vjetorit të vendosjes së marrëdhënieve diplomatike midis Kinës dhe Kroacisë. Në pritje u fitua dhe mbajti fjalim nënkryetari i Komitetit Kombëtar të Konferencës Konsultative Politike të Popullit Kinez Zhou Tienong. Në këtë pritje ishte e pranishme edhe ministrja kroate e Punëve të Jashtme dhe Çështjes së Integrimit Evropian, zonja Kolinda Grabar-Kitarovic.

Në fjalën e tij, Zhou Tienong tha gjatë 15 vjetëve pas vendosjes së marrëdhënieve diplomatike midis Kinës dhe Kroacisë, të dy palët kanë arritur suksese frytdhënëse në shtimin e besimit politik reciprok dhe në bashkëpunimin real në fushat ekonomiko-tregtare, kulturore-arsimore, turistike etj.

Ndërsa zonja Kitaroviç u shpreh se gjatë këtyre 15 vjetësh janë shtuar lidhjet midis dy vendeve, është thelluar njohja reciproke dhe është zgjeruar pandërprerë bashkëpunimi në të gjitha fushat. Ajo shprehu bindjen se marrëdhëniet e gjithanshme të bashkëpunimit dhe të partneritetit midis dy vendeve me siguri do të zhvillohen më tej. (Shy Guan)