Sipas njoftimeve të Radios së Jashtme të Kinës, më 11 maj, kryetari i Komitetit të Përhershëm të Asasmblesë Kombëtare Popullore të Kinës Wu Banguo tha në Pekin se Asambleja Kombëtare Popullore e Kinës dëshiron të thellojë kontaktet miqësore me Parlamentin e Shqipërisë për të luajtur rolin më aktiv për nxitjen e zhvillimit të gjithanëshëm të marrëdhënieve midis dy vendeve.

Gjatë takimit me kryetaren e Parlamentit të Shqipërisë Jozefina Topalli, Wu Banguo tha ë ruajtja dhe zhvillimi i marrëdhënieve miqësore të bashkëpunimit midis Kinës dhe Shqipërisë përputhen me interesat themelore të të dy popujve. Kina dëshiron të bëjë përpjekje bashkë me Shqipërinë për të forcuar djalogun politike të niveleve të ndryshme dhe për të nxitur bashkëpunimin me leverdinë reciproke në fushat ekonomike, tregtare, kulturore, shkencore dhe arsimore.

Jozefina Topalli u shpreh se Parlamenti i Shqipërisë dëshiron të zhvillojë më tej marrëdhëniet me Asamblenë Kombëtare Popullore të Kinës për të nxitur shkëmbimet dhe bashkëpunimin midis Shqipërisë dhe Kinës në fushat e ndryshme. Ajo ritheksoi se qeveria dhe Parlamenti i Shqipërisë kanë ngulur dhe ngul këmbë në qendrimin për një Kinë dhe kjo nuk do të ndryshojë edhe në të ardhmen. (Du)