Sipas njoftimeve të Radios së Jashtme të Kinës, me ftesën e kryeministrit të Japonisë Shinzo Abe, kryeministri kinez Wen Jiabao mbërriti më 11 prill në Tokio, duke filluar vizitën e tij zyrtare në Japoni. Kjo është vizita e parë e një kryeministri kinez në Japoni pas 7 vjetëve.

Në aeroport, kryeministri Wen Jiabao mbajti një fjalim në shkrim, në të cilin ai u shpreh se ky vit është 35 vjetori i normalizimit të marrëdhënieve diplomatike midis Kinës dhe Japonisë dhe përmirësimi e zhvillimi i marrëdhënieve midis dy vendeve kanë një shans të rëndësishëm. Ai tha se qëllimi i vizitës së tij është për forcimin e besimit reciprok politik, për thellimin e bashkëpunimit me reverdi reciproke, për zgjerimin e shkëmbimeve miqësore dhe për nxitjen e zhvillimit të shëndetshëm dhe të qëndrueshëm të marrëdhënieve midis dy vendeve.

Gjatë vizitës, Wen Jiabao do të takohet me perandorin japonez, do të zhvillojë bisedime me kryeministrin Shinzo Abe dhe do të mbajë një fjalim në Parlamentin japonez. Kjo do të jetë hera e parë që një lider kinez do të mbajë një fjalim në Parlamentin japonez pas mbi 20 vjetëve. (Du)