Sipas njoftimeve të Radios së Jashtme të Kinës, më 10 prill pasdite kryeministri i Kinës Wen Jiabao që ndodhet për vizitë në Korenë e Jugut, zhvilloi bisedime në rezidencën presidenciale në Cheongwadae me presidentin e Koresë së Jugut Roh Moo-Hyun.

Gjatë bisedimeve, të dyja palët u shprehën se me rastin e 15-vjetorit të vendosjes së marrëdhënieve midis Kinës dhe Koresë së Jugut dhe të vitit të shkëmbimeve midis dy vendeve, dëshirojnë të orientojnë bashkëpunimin miqësor midis dy vendeve, të forcojnë lidhjet strategjike, të nxitin bashkëpunimin me leverdi reciproke dhe të çojnë përpara zhvillimin e marrëdhënieve dypalëshe.

Gjatë bisedimeve, lidhur me zhvillimin e marrëdhënieve midis Kinës dhe Koresë së Jugut Wen Jiabao parashtroi propozimet e rëndësishme për ruajtjen e lidhjeve të niveleve të larta, thellimin e bashkëpunimit ekonomiko-tregtar, nxitjen e shkëmbimeve njerëzore dhe forcimin e konsultimeve në çështjet ndërkombëtare e rajonale.

Gjatë bisedimeve, presidenti Roh Moo-Hyun shprehu admirimin për vlerësimin dhe propozimet e kryeministrit Wen Jiabao për marrëdhëniet midis dy vendeve. Ai tha, gjithashtu, se vizita e Wen Jiabaos me siguri do t'i çojë marrëdhëniet midis dy vendeve në nivel më të lartë. (Sihai)