Sipas njoftimeve të Agjencisë kineze të Lajmeve Hsinhua, më 4 shtator, në Pekin, funksionarët përkatës të Kinës dhe të Greqisë nënshkruan një memorandum mirëkuptimi, në bazë të të cilit të dyja palët do të bëjnë përpjekje të përbashkëta për të nxitur fillimin sa më parë të transportit ajror të drejtpërdrejtë midis dy vendeve.

Linja e re ajrore do të lidhë kryeqytetet e të dy vendeve, Pekinin dhe Athinën. Sektorët përkatës të të dy vendeve do të kontaktojnë më tej për të bërë përgatitjet fillestare.

Ministri i Transportit dhe i Komunikacionit i Greqisë Michalis Liapis tha në ceremoninë e nënshkrimit se me zhvillimin e bashkëpunimit të të dy vendeve në fushat ekonomiko-tregtare, kulturore, olimpike etj, fluturimi i shpejtë i drejtpërdrejtë do t'u shërbejë më mirë udhltarëve të të dy vendeve. Kina mund ta konsiderojë Greqinë si një stacion transit për të transportuar mallrat kineze në vendet e Evropës Lindore dhe të Evropës Qendrore. (Çang Çuo)