Sipas njoftimeve të Radios së Jashtme të Kinës, më 28 gusht, kryeministri i Maqedonisë Nikola Grujevski zhvilloi në kryeqytetin e Maqedonisë Shkup bisedime me anëtarin e Këshillit të Shtetit të Kinës Tan Jiaxuan që po bën një vizitë në Maqedoni.

Gjatë bisedimeve, Tan Jiaxuani u shpreh se vitet e fundit, kontaktet politike midis dy vendeve janë të dendura dhe bashkëpunimi dhe shkëmbimet midis tyre në fushat ekonomike, tregtare, kulturore, arsimore etj janë frytdhënës. Në cështjet ndërkombëtare, të dy vendet kanë mirëkuptuar njëra-tjetrën dhe e kanë përkrahur njëra-tjetrën. Marrëdhëniet midis dy palëve janë në zhvillim të gjithanshëm. Pala kineze shprehu shpresën se të dyja palët duke shfrytëzuar plotësisht gjendjen aktuale të favorshme, do të forcojnë kontaktet miqësore në fushën politike, e do të thellojnë bashkëpunimin ekonomik e tregtar midis dy palëve për të realizuar leverdinë reciproke dhe përfitimet dy palëshe.

Nikola Grujevski tha se Maqedonia dëshiron të ruajë kontaktet e nivelit të lartë dhe të forcojë bashkëpunimin midis dy palëve në fushat politike, ekonomike, tregtare, kulturore, arsimore etj. Qeveria e Maqedonisë njeh vetëm një Kinë në botë dhe qeveria e Republikës Popullore të Kinës është qeveria e vetme e ligjshme e Kinës. (Du)