Sipas njoftimeve të Radios së Jashtme të Kinës, më 6 korrik, Kina dhe Republika e Malit të Zi vendosën zyrtarisht marrëdhëniet diplomatike në rang ambasadori.

Po më 6 korrik, ministri i jashtëm i Kinës Li Zhaosin dhe ministri i jashtëm i Malit të Zi Vlahovic që po ndodhet për vizitë në Pekin, nënshkruan komunikatën e vendosjes së marrëdhënieve diplomatike midis dy vendeve dhe zhvilluan bisedimet. Ndër të tjera, Li Zhaoxin tha se Kina dëshiron që në bazë të respektit reciprok, barazisë, leverdisë reciproke, mosndërhyrjes punët e brendshme të njera tjetrit etj, do të nxitet zhvillimi i pandërprerë i bashkëpunimit midis dy vendeve në fushat e ndryshme. Ai e lavdroi Malin e Zi që kundërshton në mënyrë të qartë "pavarësinë e Tajvanit në cfardo formë" dhe kundërshton Tajvanin të marrë pjesë në ato organizata ndërkombëtare dhe rajonale ku marrin pjesë vetëm vendet sovrane. Ai theksoi se pala kineze respekton zgjedhjen e popullit të Malit të Zi, respekton pavarësinë, sovranitetin dhe tërësinë territoriale dhe mirëkupton politikën themelore të Malit të Zi për hyrjen në procesin e integrimit të Evropës.

Në emër të qeverisë së Malit të Zi, Flahoviku e falenderoi Kinën që njohu në kohë pavarësinë e Malit të Zi dhe vendosi marrëdhëniet diplomatike me të. Ai tha se Mali i Zi dëshiron të zhvillojë aktivisht marrëdhëniet e bashkëpunimit me leverdi reciproke me Kinën në fushat e ndryshme në bazë të parimeve të komunikatës së vendosjes së marrëdhënieve diplomatike. (Du)