Sipas njoftimeve të Radios së Jashtme të Kinës, më 6 qershor, anëtari i Këshillit të shtetit të Kinës Tang Jiaxuan u shpreh në Pekin se bisedimet dhe dialogu janë rruga e drejtë për zgjidhjen e problemit të Kosovës. Pala kineze përkrah OKB-në të vazhdojë të luajë rol konstruktiv atje.

Tang Jiaxuan i tha këto fjalë në takimin me i dërguarin e posaçëm të OKB-së të bisedimeve mbi problemin e statusit Kosovës dhe ish-presidentin e Finlandës Martti Ahtisaari që ndodhet për vizitë në Kinë.

Tang Jiaxuan u shpreh se problemi i Kosovës duhet të zgjidhet sipas kornizës së rezolutave përkatëse të Këshillit të Sigurimit të OKB-së. Çdo metodë e zgjidhjes duhet të jetë e favorshme për sigurimin e të drejtave dhe të interesave të barabarta të popujve të kombësive të ndryshme dhe për ruajtjen e paqes dhe të stabilitetit në rajonin e Ballkanit si dhe duhet të marrin plotësisht në konsiderotë vëmendjen e palëve të ndryshme. Komuniteti ndërkombëtar duhet të vazhdojë të nxitë qeverinë serbe dhe organin e përkohshëm autonom të Kosovës që të  kërkojnë nëpërmjet bisedimeve rrugë të zgjidhjes të pranueshme nga të dyja palët.

Ahtisaari paraqiti zhvillimin e bisedimeve mbi problemin e statusit të Kosovës dhe u shpreh se do të vazhdojë të bëjë përpjekje për nxitjen e zgjidhjes së këtij problemi dhe do të forcojë bashkëpunimin me Kinën. (Çang Çuo)